U Nalibockaj puščy projdzie pieršy palaŭničy fiestyval
25 lipienia ŭ Nalibockaj puščy ŭpieršyniu projdzie nacyjanalny palaŭničy fiestyval «Nalibockija streły». Dla haściej padrychtavali vystavy, pakaz palaŭničych sabak i ptušak, čempijanat vabilščykaŭ alenia, majstar-kłasy, kancert i dyskateku, piša Kraj.by.
Z 10:00 da 17:00 na placoŭcy buduć pracavać:
— respublikanskaja vystava palaŭničych trafiejaŭ;
— prezientacyja Nacyjanalnaj trafiejnaj knihi Biełarusi z majstar-kłasam pa acency trafiejaŭ;
— vystava padsadnych i palaŭničych ptušak;
— demanstracyjnyja stendy ŭdzielnikaŭ fiestyvalu;
— handlovyja placoŭki pradstaŭnikoŭ palaŭničaj industryi.
Taksama z 10:00 da 17:00 dla naviedvalnikaŭ budzie adkrytaja zona adpačynku, u tym liku dla dziaciej. Tut buduć pracavać elektronny cir, placoŭka dla stralby ź pnieŭmatyčnaj vintoŭki, buduć ustanoŭleny kresły-miaški, rostavyja fihury i arhanizavanyja inšyja zabavy.
U hety ž čas možna budzie ŭziać naprakat rovar, elektrarovar abo kvadracykł.
Z 10:00 da 16:00 haściej čakajuć:
- 3D-stralba z łuka pa abjomnych fihurach dzikich žyvioł;
- stralba pa talerkach i mišeniach;
- kidańnie siakier i nažoŭ.
Z 10:30 da 15:00 adbuducca śpiecyjalizavanyja respublikanskija vystavy jahdterjeraŭ, prymierkavanyja da 100‑hodździa parody, a taksama biełaruskaha hančaka i inšych źviaravych hančakoŭ.
Aficyjnaje adkryćcio fiestyvalu adbudziecca z 11:00 da 11:20.
Z pryvitalnym słovam vystupiać ministr lasnoj haspadarki Alaksandr Kulik, staršynia Biełaruskaha tavarystva palaŭničych i rybałovaŭ Ihar Šunievič i staršynia Vałožynskaha rajvykankama Vasil Byčkoŭski.
Z 18:00 da 20:00 haściej čakaje śviatočny kancert, a z 20:00 da 22:00 — dyskateka.