U Minsku prychilnika Hitlera asudzili na dva z pałovaj hady
36‑hadovaha raniej sudzimamu minčuku inkryminavali reabilitacyju nacyzmu, piša BiełTA.
Paviedamlajecca, što jon u śniežni 2025 hoda raźmiaściŭ u telehramie publikacyju, u jakoj utrymlivałasia stanoŭčaja acenka Adolfa Hitlera.
U sudzie jon vinu nie pryznaŭ. Mužčyna raniej užo byŭ asudžany za niezakonny abarot zabaronienych rečyvaŭ, a ŭ 2023 hodzie — za nieadnarazovuju publičnuju demanstracyju nacysckaj simvoliki — tatuirovak u vyhladzie svastyki i emblem SS.
Z ulikam pradstaŭlenych dokazaŭ Minski haradski sud na padstavie č. 1 art. 130‑1 Kryminalnaha kodeksa pryznačyŭ mužčynu dva z pałovaj hady kałonii strohaha režymu.
U adpaviednaści z art. 107 KK da abvinavačanaha prymianili prymusovyja miery biaśpieki i lačeńnia ad narkamanii.