Vital Cyhankoŭ zapuściŭ analityčny prajekt «Cyhankoŭ. Vysnovy»
Vaśmichvilinnyja roliki vychodziać u efiry «Biełsata» i na jutubie.
Palityčny žurnalist Vital Cyhankoŭ staŭ viadučym novaj analityčnaj rubryki na «Biełsacie». Prajekt nazyvajecca «Cyhankoŭ. Vysnovy».
«Ja vybiraju niejkuju temu i sprabuju jaje praanalizavać, aśviatlić, raskryć, palemična vykazać svajo staŭleńnie. I potym u žyvym efiry viečarovaj «Studyi Biełsat» 8 chvilin raskazvaju hledačam pra svaje vysnovy. Čamu 8 chvilin? Bo heta minimum, jaki patrabujuć peŭnyja farmaty i ałharytmy Jutuba. Ale ja razumieju, što 8 chvilin słuchać adnaho čałavieka narmalnamu hledaču niemahčyma, tamu dla razradki i ŭzmacnieńnia efiektu niejkich svaich tezisaŭ ustaŭlaju ŭ prahramu videafrahmientyki, miemy z mas-kultury», — patłumačyŭ Cyhankoŭ.
Pieršy vypusk byŭ pryśviečany prapahandzie.