Prezident Uźbiekistana zvolniŭ pasła ŭ Biełarusi «za abyjakavaje staŭleńnie»
Rachmatuła Nazaraŭ byŭ adpraŭleny ŭ adstaŭku za biaździejnaść u pytańniach pryciahnieńnia inviestycyj i raźvićcia ekspartu. Pra heta 21 lipienia paviedamiŭ pres-sakratar prezidenta Uźbiekistana Šerzod Asadaŭ, piša fergana.news.
Fota: Ont.by
Pra adstaŭku Nazarava «za abyjakavaje staŭleńnie da pytańniaŭ inviestycyj i źniešniaha handlu» abviaściŭ prezident Uźbiekistana Šaŭkat Mirzijojeŭ padčas narady, pryśviečanaj vynikam pracy orhanaŭ ułady pa raźvićci ekanomiki ŭ pieršym paŭhodździ hetaha hoda.
Pasadu pasła ŭ Biełarusi z pačatku lutaha 2024 hoda zajmaŭ Rachmatuła Nazaraŭ. Jon byŭ pryznačany za niekalki dzion da vizitu Alaksandra Łukašenki va Uźbiekistan. Tady ŭłady dźviuch krain damovilisia realizavać u 2024—2025 hadach ekspartnyja kantrakty i inviestycyjnyja prajekty na sumu bolš za 1 młrd dalaraŭ.
U sakaviku 2026 hoda na sustrečy z Łukašenkam Nazaraŭ paviedamiŭ, što ŭ 2025 hodzie krainy amal dasiahnuli hetaj adznaki i ciapier płanujuć u najbližejšy čas pavialičyć tavaraabarot da 2 młrd dalaraŭ.
Šaŭkat Mirzijojeŭ taksama vykazaŭ niezadavolenaść vynikami pracy pasłoŭ Uźbiekistana ŭ Francyi, Aŭstryi, Ispanii, Italii, Amanie, Indaniezii, Małajzii i Sinhapury.