Prakuror zapytaŭ dla haradzienskaj aktyvistki Valanciny Navumavaj siem hadoŭ źniavoleńnia
Apošniaje pasiedžańnie pa palityčna matyvavanaj spravie haradzienki Valanciny Navumavaj pavinna adbycca 24 lipienia
Praces pačaŭsia 29 červienia ŭ abłasnym sudzie. Viadzie praces sudździa Mikałaj Račynski. Za jaho plačyma dziasiatki palityčna matyvavanych kryminalnych spraŭ, piša «Haradzienskaja pravaabarona»
Navumavaj inkryminavanyja nastupnyja artykuły:
- artykuł 16, častka 6 (Pasobnictva ŭ suŭdziele ŭ złačynstvie)
- artykuł 130, častka 1 (Raspalvańnie inšaj sacyjalnaj varožaści)
- artykuł 130, častka 3 (Dziejańni, jakija praduhledžany častkami 1 ci 2 artykułu, ździejśnienyja hrupaj asobaŭ)
- artykuł 188 (Paklop)
- artykuł 203-1, častka 3 (Parušeńnie tajny pierapiski, telefonnych pieramovaŭ)
- artykuł 361-4, častki 1 i 2 (Sadziejničańnie ekstremisckaj dziejnaści, tyja ž dziejańni, ździejśnienyja paŭtorna)
- artykuł 367, častka 2 (Paklop u dačynieńni Łukašenki)
- artykuł 368, častka 1 (Abraza Łukašenki)
- artykuł 369 (Abraza pradstaŭnika ŭłady)
- artykuł 370 (Ździek ź dziaržaŭnych simvałaŭ)
- artykuł 391 (Źniavaha sudździ)
Valancina Navumava doŭhi čas była siabram partyi levych «Spraviadlivy śviet». U 2017 hodzie jana była aštrafavanaja na 15 bazavych adzinak pa administracyjnaj spravie za ŭdzieł u akcyi «niedarmajedaŭ».
Žančynu zatrymali 5 vieraśnia 2025 hoda i źmiaścili ŭ turmu №1 u Hrodnie. Spačatku ŭ spravie fihuravaŭ č. 2 art. 367 (paklop na Łukašenku).
Ale 27 lutaha 2026 hoda byli vystaŭlenyja novyja abvinavačvańni pavodle artykułaŭ Kryminalnaha kodeksa.