Ratavalniki evakujavali z Elbrusa cieła 11‑hadovaha chłopčyka i paciarpiełaha baćku
Dla praviadzieńnia apieracyi vykarystali viertalot.
Ratavalniki evakujavali z Elbrusa 40‑hadovaha alpinista, jaki atrymaŭ traŭmy padčas uzychodžańnia, a taksama cieła jaho 11‑hadovaha syna. Dla praviadzieńnia apieracyi vykarystali viertalot, raskazali ŭ Hałoŭnym upraŭleńni MNS Rasii pa rehijonie, paviedamlaje RBK
«Ratavalniki MNS Rasii z pryciahnieńniem kamiercyjnaha viertalota kampanii «Chieliekšn» evakujavali paciarpiełaha i cieła zahinułaha ŭ pasiołak Cierskoł, dzie ich pieradali miedykam i śledča-apieratyŭnaj hrupie pravaachoŭnych orhanaŭ», — havorycca ŭ paviedamleńni.
19 lipienia ratavalniki znajšli na ŭschodnim schile Elbrusa paciarpiełaha mužčynu i cieła zahinułaha 11‑hadovaha chłopčyka.
Baćka i syn ździajśniali ŭzychodžańnie na ŭschodniuju viaršyniu Elbrusa, adnak sarvalisia sa skały na vyšyni kala 4,2 tysiačy mietraŭ. U vyniku padzieńnia dzicia zahinuła, a mužčyna atrymaŭ ciažkija traŭmy.