Žychary Staŭrapala pili z unitazaŭ, kab vyjhrać hrošy
Taki konkurs arhanizavaŭ brend santechniki, piša kanał «Ostorožno, novosti».
Konkurs pad nazvaj «Hulni prastołaŭ» zładziŭ rasijski brend santechniki. Miascovym žycharam paabiacali 100 tysiač rubloŭ (kala 1300 dalaraŭ) za pieramohu ŭ konkursie.
Na pieršym etapie treba było pić z unitazaŭ na chutkaść — u hetym vyprabavańni pieramoh małady čałaviek, jaki vypiŭ «biezałkaholny pienisty napoj z čašy ŭnitaza» (brend taksama apublikavaŭ fota ščaślivaha pieramožcy z hrašyma ŭ rukach).
Paśla hetaha arhanizatary pierajšli da druhoha vyprabavańnia: siem čałaviek pavinny byli jak maha daŭžej prasiadzieć na ŭnitazach z zakrytymi viečkami.
Praź dziesiać hadzin z konkursu vybyli tolki dva ŭdzielniki. Astatnija praciahnuli baraćbu za hrašovy pryz, zajavili pradstaŭniki brenda EvaGold, jakija taksama raźmiaścili rekłamu hetaj padziei ŭ haradskich pablikach.