Vyjšła pa-biełarusku dziciačaja kniha češskaj piśmieńnicy
U maładym polskim vydaviectvie LINGVA-BY vyjšaŭ tvor českaj piśmieńnicy Ivy Prachazkavaj «Šmyhusia na niabiosach» («Myši patří do nebe», 2006). Pierastvaryŭ pa-biełarusku hetuju knihu dla dziaciej Siarhiej Smatryčenka, a prailustravała Volha Jakuboŭskaja, piša Bellit.info.
«Šmyhusia na niabiosach» — heta kranalnaja i hłybokaja historyja, jakaja raskazvaje pra niezvyčajnaje siabroŭstva pamiž maleńkaj myškaj Šmyhusiaj i lisam Biełahrudam. Chacia pavodle svajoj pryrody hieroi pavinny być zaklatymi vorahami, jany znachodziać ahulnuju movu i adpraŭlajucca ŭ nievierahodnaje padarožža.
Heta kniha pra pieraadoleńnie strachaŭ, pošuk svajho miesca ŭ śviecie, važnaść prabačeńnia i razumieńnie taho, što śmierć — heta nie kaniec, a tolki pierachod da čahości novaha.
Praz pryhody svaich piersanažaŭ aŭtarka dalikatna i ščyra razmaŭlaje z čytačom pra viečnyja pytańni žyćcia, straty i siabroŭstva, jakoje macniejšaje za lubyja zababony. Heta śvietłaja i pavučalnaja historyja, jakaja vučyć dabryni, advazie i viery ŭ lepšaje. Myšy traplajuć na niabiosy — ale mohuć i razam ź lisami…
Čytajcie taksama:
Fiestyval Tutaka pačaŭsia na polska-biełaruskim pamiežžy