Na Prypiaci tolki cudam vyratavali ad śmierci padletka
Incydent adbyŭsia ŭviečary 16 lipienia na Prypiaci ŭ Stolinskim rajonie, piša Tavarystva ratavańnia na vodach.
Zdymak ilustracyjny. Fota: «Naša Niva»
Pavodle infarmacyi ratavalnikaŭ, padčas kupańnia padletak 2009 hoda naradžeńnia raptam pačaŭ tanuć. Jon znachodziŭsia prykładna za 25 mietraŭ ad bieraha, a hłybinia ŭ hetym miescy składała kala 2,5 mietra.
Chłopca zaŭvažyła jaho siastra, jakaja ŭ hety čas płavała razam z mužam na sapbordzie. Mužčyna adrazu kinuŭsia jamu na dapamohu, dapłyŭ da padletka, vyciahnuŭ jaho z vady i častkova źmiaściŭ na sapbord, paśla čaho dastaviŭ na bierah. Na toj momant chłopčyk byŭ biez prytomnaści.
Na bierazie padletak pryjšoŭ da prytomnaści. Ludzi, jakija stali śviedkami zdareńnia, vyklikali chutkuju dapamohu. Miedyki paśla ahladu dastavili jaho ŭ reanimacyju bližejšaj balnicy.