U Minsku i nadalej buduć adklučać haračuju vadu ŭletku
U Minsku ŭ najbližejšaj pierśpiektyvie nie płanujuć poŭnaściu admaŭlacca ad siezonnych adklučeńniaŭ haračaha vodazabieśpiačeńnia. Pra heta paviedamiŭ namieśnik staršyni Minharvykankama Aleh Korzun, pišuć Minsk-Naviny.
Aleh Korzun adznačyŭ, što całkam admovicca ad płanavych adklučeńniaŭ haračaj vady pakul niemahčyma.
Razam z tym jon padkreśliŭ, što novyja techničnyja rašeńni ŭžo dajuć stanoŭčy vynik. U pryvatnaści, praviedzieny ekśpierymient pakazaŭ: pry ŭźniknieńni avaryj na ciepłatrasach ramontnyja raboty možna vykonvać biez adklučeńnia aciapleńnia ŭ žyłych damach.