U lesie pad Łahojskam znajšli miesca ź dziŭnymi pradmietami

U lesie pad Łahojskam miascovyja žychary znajšli niezvyčajnaje miesca, jakoje vyklikała šmat pytańniaŭ i zdahadak. Videa znachodki apublikavała padpisčyca akaŭnta «Łohojsk.Novosti» ŭ Threads, zaŭvažyła vydańnie Blizko.by.

Niezvyčajnaja placoŭka znachodzicca kala pryvatnaha siektara Łahojska, na vulicy Asieńniaj, niepadalok ad uvachodu ŭ les. Na ziamli raźmieščanyja try kałody, kamień i reštki vohnišča. Pobač pakinutyja kubak u siaredniaviečnym styli, kompas i jašče niekalki pradmietaŭ, pryznačeńnie jakich nieviadomaje.

Posmotrieť v Threads

Znachodka vyklikała abmierkavańnie siarod karystalnikaŭ internetu. Niekatoryja vykazali mierkavańnie, što heta mahło być miesca dla praviadzieńnia niejkich rytuałaŭ abo abradaŭ. Inšyja paličyli, što placoŭka mahła naležać udzielnikam rolevych hulniaŭ — pradstaŭnikam subkultury, jakaja arhanizuje sustrečy na pryrodzie, apranajecca ŭ kaściumy piersanažaŭ fentezi i pravodzić pastanovačnyja bai.

Kamientary da artykuła