Kubrakoŭ: Pracoŭnyja mihranty ŭžo raźmierkavanyja pa pradpryjemstvach
Va UUS Viciebskaha abłvykankama z udziełam ministra ŭnutranych spraŭ Ivana Kubrakova adbyłasia rabočaja narada, pryśviečanaja aśpiektam znachodžańnia ŭ krainie hramadzian Uźbiekistana, paviedamlaje pres-słužba MUS.
Pres-słužba MUS paviedamlaje, što zamiežniki ŭžo raźmierkavanyja pa pradpryjemstvach i arhanizacyjach Viciebskaj vobłaści, u pieršuju čarhu ŭ śfiery APK.
«Naša zadača — akazać haściam usiu nieabchodnuju dapamohu: ad rehistracyi da paŭnavartasnaj adaptacyi ŭ Biełarusi. Bo ludzi pryjechali ŭ inšuju krainu, jość roźnica ŭ mientalitecie. Treba stavicca da hetaha z razumieńniem, dastupna i padrabiazna tłumačyć asablivaści našaha zakanadaŭstva», — skazaŭ ministr.
Učora, 15 lipienia, u internecie źjaviłasia videa, zapisanaje pracoŭnymi mihrantami z Uźbiekistana, u jakim jany narakali na prapanavany im zarobak u 500 dalaraŭ, pry hetym žyllo i charčavańnie, ź ich słoŭ, jany pavinny byli apłačvać samastojna. Jany zajaŭlali, što pry takich umovach hatovyja admovicca ad pracy i viarnucca na radzimu.
Na videa adreahavali prapandysty, a adzin z pracoŭnych mihrantaŭ zapisaŭ novaje, dzie skazaŭ pra zarobak u 700 dalaraŭ.
Čytajcie taksama:
«Apłata ahavorvałasia zahadzia». Prapahandysty pajšli ŭ ataku na nie zadavolenych zarobkam uźbiekaŭ