U Minsk prylacieŭ abaronca «Mančester Sici» Chusanaŭ
Niekalki hadoŭ tamu jon pravioŭ siezon u minskim «Enierhietyku-BDU» (siońnia — «SKA-1938»).
Siarhiej Kavalčuk i Abdukadyr Chusanaŭ (trymajuć majku), sprava ad ich Anatol Jurevič (u aranžavym poła).
Abaronca zbornaj Uźbiekistana i anhlijskaha «Mančester Sici» Abdukadyr Chusanaŭ prylacieŭ u Minsk. Jak paviedamlaje pres-słužba SKA-1938, futbalist sustreŭsia ź ministram sportu Biełarusi Siarhiejem Kavalčukom.
Raniej ahient Chusanava Hajrat Chaśbiulin anansavaŭ vizit futbalista ŭ biełaruskuju stalicu dla sustrečy z Anatolem Jurevičam, jaki, darečy, taksama prysutničaŭ na mierapryjemstvie ŭ Ministerstvie sportu, piša football.by
Pavodle słoŭ samoha centralnaha abaroncy, biełaruski śpiecyjalist akazaŭ značny ŭpłyŭ na jaho prafiesijnaje raźvićcio ŭ toj pieryjad, kali jon vystupaŭ za «Enierhietyk-BDU» ŭ 2022—2023 hadach.
Adbukadyr Chusanaŭ pryjechaŭ u Biełaruś u 2022 hodzie ŭ 18‑hadovym uzroście i siezon pravioŭ u «Enierhietyku», u lipieni 2023 hoda jon pierajšoŭ u francuzski «Łans», a praz dva hady pierabraŭsia ŭ topavy «Mančester Sici», dzie staŭ hulcom asnovy.