Rasijanie atakavali Adeskuju vobłaść — try čałavieki zahinuli
Adeskuju vobłaść zakidvajuć dronami i rakietami piaty dzień zapar.
Rasijanie atakavali Adeskuju vobłaść — try čałavieki zahinuli.
Heta zdaryłasia ŭ vyniku prylotu rakiety ŭ šmatpaviarchovy žyły dom. Jašče minimum troje jaho žycharoŭ paranienyja. Jany špitalizavanyja ŭ stanie siaredniaj ciažkaści, paviedamlajuć miascovyja ŭłady.
«Masavanaja kambinavanaja rakietna-dronavaja ataka na Adesščynu praciahvajecca ŭžo piatyja sutki zapar», — adznačyŭ u telehramie kiraŭnik Adeskaj abłasnoj vajskovaj administracyi Aleh Kipier.
Byli taksama paškodžany niežyły budynak i hazapravod, adnapaviarchovy budynak i skład hatovaj pradukcyi vytvorčaha pradpryjemstva.