Расіяне атакавалі Адэскую вобласць — тры чалавекі загінулі
Адэскую вобласць закідваюць дронамі і ракетамі пяты дзень запар.
Расіяне атакавалі Адэскую вобласць — тры чалавекі загінулі.
Гэта здарылася ў выніку прылёту ракеты ў шматпавярховы жылы дом. Яшчэ мінімум трое яго жыхароў параненыя. Яны шпіталізаваныя ў стане сярэдняй цяжкасці, паведамляюць мясцовыя ўлады.
«Масаваная камбінаваная ракетна-дронавая атака на Адэсшчыну працягваецца ўжо пятыя суткі запар», — адзначыў у тэлеграме кіраўнік Адэскай абласной вайсковай адміністрацыі Алег Кіпер.
Былі таксама пашкоджаны нежылы будынак і газаправод, аднапавярховы будынак і склад гатовай прадукцыі вытворчага прадпрыемства.