Tramp pryhraziŭ vyvieści z ładu ŭsie iranskija elektrastancyi, kali Tehieran nie siadzie za stoł pieramoŭ
Pavodle jaho słoŭ, užo na nastupnym tydni dla Irana «ŭsio stanie sapraŭdy vielmi drenna».
AP Photo Mark Schiefelbein
Prezident Donald Tramp u intervju Fox News zajaviŭ, što ŭžo na nastupnym tydni ZŠA naniasuć udary pa elektrastancyjach i mastach Irana, kali ŭłady krainy nie siaduć za stoł pieramoŭ.
Pavodle jaho słoŭ, užo na nastupnym tydni dla Irana «ŭsio stanie sapraŭdy vielmi drenna», bo «nastanie čarha» elektrastancyj i mastoŭ. Tramp zajaviŭ, što amierykanskija vajskoŭcy «vyvieduć sa stroju ŭsie elektrastancyi» i «ŭsie ich masty».
Jak adznačyŭ Tramp, u najbližejšyja dni ŭdary pa Iranie buduć uzmocnienyja. Pavodle jaho słoŭ, u Tehierana «niama inšaha vybaru», akramia jak zaklučyć pahadnieńnie z Vašynhtonam, inakš «u ich ničoha nie zastaniecca».