U Aleksandryi Łukašenka pasadziŭ da siabie 23‑hadovuju pryhažuniu

Hetaja ŭdzielnica «Mis Biełaruś» časta supravadžaje 71‑hadovaha palityka.

Alaksandr Łukašenka z synam i ŭdzielnicaj «Mis Biełaruś» u Aleksandryi. Fota: BiełTA

U Aleksandryi, na małoj radzimie Łukašenki, tradycyjna z razmacham adznačyli Kupalle, kudy źjechalisia čynoŭniki.

Padčas kancertu Alaksandr Łukašenka siadzieŭ pobač z synam Mikałajem. Niedaloka ad ich — pres-sakratarka Łukašenki Natalla Ejsmant, namieśnica premjer-ministra Natalla Piatkievič i kiraŭnik Mahiloŭskaj vobłaści Anatol Isačanka.

Piatkievič i Isačanka ŭ Alaksandryi. Fota: BiełTA

Pa levuju ruku ad siabie Łukašenka pasadziŭ 23‑hadovuju Nastaśsiu Kazyryckuju. Udzielnica «Mis Biełaruś — 2021» nie raz supravadžała palityka.

Alaksandr Łukašenka z synam i ŭdzielnicaj «Mis Biełaruś» u Aleksandryi. Skrynšot: TB-kanał «Pieršy infarmacyjny»

Upieršyniu jana źjaviłasia ź im na navahodnim bali 2022-2023. Paźniej Kazyryckaja supravadžała Łukašenku i na śviacie dla vypusknikoŭ, i na «Marafonie adzinstva», i na chakiei (choć i nie ŭ pieršym šerahu).

Kazyryckaja pobač z Łukašenkam na «Marafonie adzinstva». Fota: president.gov.by

Dziaŭčyna skončyła kaledž technałohii i dyzajnu lohkaj pramysłovaści, pastupiła ŭ BDEU na śpiecyjalnaść «buchhałtarski ŭlik, analiz i aŭdyt». U 2024 hodzie Kazyryckaja značyłasia asistentkaj pa zabieśpiačeńni dziełavoha pratakoła ŭpraŭleńnia dziaržaŭnych, aficyjnych i kulturnych mierapryjemstvaŭ Nacyjanalnaj škoły pryhažości.

Nastaśsia Kazyryckaja na finale «Mis Biełaruś — 2021». Skryn videa STB

Kamientary da artykuła