Češka Linda Noskava vyjhrała Uimbłdanski turnir
Maładaja tenisistka Linda Noskava z Čechii ŭpieršyniu ŭ svajoj karjery stała pieramožcaj Uimbłdanskaha turniru. Heta ŭvohule i pieršy dla hetaj češki tytuł na turnirach sieryi Vialikaha šlema.
Linda Noskava. Fota: AP Photo / Kirsty Wigglesworth
U finale 21‑hadovaja spartsmienka, jakaja zajmaje 12‑ie miesca ŭ suśvietnym rejtynhu, u troch setach pieramahła svaju suajčyńnicu Karalinu Muchavu — 6:2, 5:7, 6:3.
Pieršaja rakietka śvietu biełaruska Aryna Sabalenka hetym razam zaviaršyła vystupleńnie na stadyi 1/8 finału, dzie sastupiła japoncy Naomi Osacy. Paźniej Osaka prajhrała Karalinie Muchavaj.
12 lipienia ŭ mužčynskim finale dziejny čempijon Uimbłdana i pieršaja rakietka śvietu italjaniec Janik Sinier sustreniecca z pradstaŭnikom Hiermanii Alaksandram Źvieravym, jaki zajmaje treciaje miesca ŭ suśvietnym rejtynhu i niadaŭna vyjhraŭ adkryty čempijanat Francyi.
Sioleta pryzavy fond Uimbłdona skłaŭ rekordnyja 62,4 miljona funtaŭ sterlinhaŭ. Pieramožcy žanočaha i mužčynskaha adzinočnych razradaŭ atrymajuć pa 3,6 miljona funtaŭ.
Čytajcie taksama:
Aryna Sabalenka pakidaje Uimbłdan
Upieršyniu za try hady na turniry Vialikaha šlema vystupiŭ biełaruski tenisist