25‑hadovy futbalist zbornaj PAR pamior paśla viartańnia z čempijanatu śvietu
Paŭabaronca kłuba «Mamiełodzi Sandaŭnz» i nacyjanalnaj zbornaj Paŭdniova-Afrykanskaj Respubliki Džejden Adams pamior va ŭzroście 25 hadoŭ. Pryčyna śmierci aficyjna pakul nie paviedamlajecca, ale ŭ miascovaj presie pišuć pra samahubstva.
Džejden Adams padčas matču sa zbornaj Čechii na čempijanacie śvietu. 19 červienia 2026 hoda. Fota: AP Photo / Stew Milne
Ad imia siamji futbalista vystupiŭ jaho nastaŭnik Brendzin Džonsan. Jon paviedamiŭ, što rodnyja vielmi ciažka pieražyvajuć trahiedyju i prosiać pavažać ich prava na pryvatnaść. Pavodle jaho słoŭ, śmierć maładoha spartsmiena stała poŭnaj niečakanaściu dla ŭsich, chto jaho viedaŭ.
Džonsan taksama raskazaŭ, što jašče niekalki dzion tamu razmaŭlaŭ z Adamsam. Paśla viartańnia z čempijanatu śvietu futbalist byŭ u dobrym nastroi, radavaŭsia viartańniu dadomu i budavaŭ płany na budučyniu. Jon taksama chacieŭ pravieści bolš času razam ź siamjoj.
Na čempijanacie śvietu 2026 hoda Džejden Adams uziaŭ udzieł u troch matčach za zbornuju PAR. U minułym siezonie jon staŭ pieramožcam afrykanskaj Lihi čempijonaŭ u składzie «Mamiełodzi Sandaŭnz».
Čytajcie taksama:
Vikinh suprać anhłasaksa: Chołand i Kiejn vyvodziać Narviehiju i Anhliju na apošni boj
Fejł zapasnoha kipiera Bielhii pachavaŭ kamandu. Kurtua možna było nie mianiać
Arhiencincy prajhravali Jehiptu 0:2, ale zmahli vyrvać pieramohu. Iznoŭ Miesi!