Uładzimir Niaklajeŭ z nahody svajho 80‑hodździa napisaŭ sabie niekrałoh — žartaŭlivy i fiłasofski

Pad hadami, jakija admieraŭ mnie Boh, Cicha-pacichu padvodzicca rysa. Chutka źjavicca moj niekrałoh – Nikim nie padpisany. Voś kali b ja pamior da časoŭ Paźniaka, Da Alaksandra Ryhoraviča prychoda, Niekrałoh padpisaŭ by sakratar CK I najlepšyja pradstaŭniki naroda. Padpisali b piśmieńniki. Nie maleńkija niejkija – Tolki tyja, chto ŭ zvańni... I viečnym piarom Padpisaŭ by Sam staršynia Sajuza piśmieńnikaŭ, Kali b ja sam nie byŭ staršyniom. Tut prablema ŭźnikała: mahła być niaŭviazka Z paviedamleńniem ahiencyi TASS... Ale pazvanili z CK: “Kali łaska, Nie treba śpiašacca. Jašče vam nie čas”. Kulturna. Karektna. Nie ŭ formie zahadu... I ŭ siońniašnim časie, jak i tady, Udziačny ja partyi i ŭradu, Što praciahnuli maje hady. Niachaj hety čas byŭ daloka nie lepšy, Nie łaskavy čas, ale ŭsio ž z łaski Boha Darešty ja ŭ im dapisaŭ maje vieršy – Jak źmiest i jak podpis majho niekrałoha.