Da Łukašenki pryjechaŭ Mirzijojeŭ

U Minsk prylacieŭ z dvuchdzionnym vizitam prezident Uźbiekistana Šaŭkat Mirzijojeŭ. Adrazu z aeraporta jaho pavieźli ŭ rezidencyju Łukašenki ŭ Astrašyckim Haradku pad Minskam.

Pres-słužba Łukašenki paviedamiła, što siońnia Łukašenka ź Mirzijojevym sustrakajucca adzin na adzin, a paśla ŭ ich budzie niefarmalnaja viačera. 

Zaŭtra ž płanujecca aficyjnaja častka sustrečy z udziełam delehacyj.

Jak aficyjna paviedamlałasia raniej, hałoŭnaj temaj hetaha vizitu maje stać raźvićcio dvuchbakovaha supracoŭnictva i pašyreńnie ŭzajemadziejańnia pamiž Biełaruśsiu i Uźbiekistanam u roznych śfierach.

Asnoŭnuju ŭvahu baki płanujuć nadać raźvićciu vytvorčaj kaapieracyi i realizacyi sumiesnych prajektaŭ.

Pa vynikach pieramoŭ čakajecca padpisańnie kala 20 dakumientaŭ, hałoŭnym ź jakich stanie Dekłaracyja ab ustanaŭleńni stratehičnaha partniorstva pamiž Biełaruśsiu i Uźbiekistanam.

Kamientary da artykuła