Minčuk vynajšaŭ sposab rehularna karystacca karšerynhavami «Tesłami» zadarma
U milicyju źviarnułasia słužba biaśpieki adnoj sa staličnych kampanij karšerynhu, paviedamiŭšy pra niezakonnaje vykarystańnie ich elektramabila. Siłaviki chutka ŭstanavili asobu padazravanaha — im akazaŭsia 38‑hadovy načalnik adździeła adnaho ź minskich pradpryjemstvaŭ.
Zdymak ilustracyjny. Fota: «Naša Niva»
Vyśvietliłasia, što mužčyna rehularna karystaŭsia karšerynham i addavaŭ pieravahu aŭtamabilam Tesla. Kali ž u jaho ŭźnikli finansavyja ciažkaści, to vyrašyŭ vykarystać svaje viedy ŭ prahramavańni, kab nadalej jeździć biez apłaty.
Z dapamohaj śpiecyjalnych manipulacyj praz mabilnuju prahramu jon atrymaŭ dostup da elektramabila i moh karystacca im bieź śpisańnia hrošaj. Padčas adnoj z takich pajezdak jon navat źjeździŭ na Tesla da baćkoŭ u Maładziečanski rajon.
Pavodle infarmacyi siłavikoŭ, mužčyna rabiŭ heta nieadnarazova i z roznymi mašynami. Pa fakcie zdareńnia raspačali kryminalnuju spravu.
Čytajcie taksama:
Junak na Tesla ŭjechaŭ u Porsche pad Minskam
U Minsku pierakuliłasia Tesla i padbiła dva inšyja aŭtamabili