ZŠA buduć kuplać drony va Ukrainy — jakuju prapahanda nazyvała deindustryjalizavanaj i «krainaj 404»

Prezident ZŠA Donald Tramp zajaviŭ padčas sustrečy sa svaim ukrainskim kaleham Uładzimiram Zialenskim u Ankary na palach samitu NATA, što jahonaja kraina budzie nabyvać va Ukrainy drony.

Ukrainski ŭdarny bieśpiłotnik «Luty». Fota: Militarnyi

U Trampa spytali, jaki ciapier status pahadnieńnia pa dronach pamiž Ukrainaj i ZŠA.

«My budziem kuplać ich drony. My vyrablajem cudoŭnyja drony, ale jany majuć zdolnaść vyrablać ich u vielmi vialikaj kolkaści, što nadzvyčaj uražvaje. Dziŭna, što va ŭmovach vajny jany ich vyrablajuć. Jany robiać ich u padvałach», — adkazaŭ na heta amierykanski prezident.

U mai ŚMI pisali, što ŭrady ZŠA i Ukrainy padrychtavali prajekt miemaranduma, u jakim vykładzienyja ŭmovy mahčymaha novaha abaronnaha pahadnieńnia pamiž krainami, što budzie tyčycca śfiery bieśpiłotnikaŭ.

Taksama padčas razmovy ź Zialenskim Tramp zajaviŭ, što Złučanyja Štaty daduć Ukrainie prava samim vyrablać rakiety dla kompleksaŭ Patriot — najlepšych na śviecie pa stanie na siońnia sistem SPA.

Kamientary da artykuła