U Dziaržynskim rajonie mašyna naśmierć źbiła piešachoda
Avaryja adbyłasia ŭviečary 6 lipienia na 322‑m kiłamietry aŭtamahistrali M-1 Brest — Minsk — miaža z Rasijaj.
Fota: DAI UUS Minabłvykankama
56‑hadovy žychar Bresckaj vobłaści, jaki kiravaŭ hruzavym aŭtamabilem Renault z paŭpryčepam, ździejśniŭ najezd na 35‑hadovaha mužčynu, što ruchaŭsia ŭ tym ža napramku.
Ad atrymanych traŭmaŭ piešachod zahinuŭ na miescy zdareńnia.
Pavodle źviestak DAI, zahinuły nie mieŭ śviatłoadbivalnych elemientaŭ na adzieńni. Pa fakcie avaryi pravodzicca pravierka.