У Дзяржынскім раёне машына насмерць збіла пешахода
Аварыя адбылася ўвечары 6 ліпеня на 322‑м кіламетры аўтамагістралі М-1 Брэст — Мінск — мяжа з Расіяй.
Фота: ДАІ УУС Мінаблвыканкама
56‑гадовы жыхар Брэсцкай вобласці, які кіраваў грузавым аўтамабілем Renault з паўпрычэпам, здзейсніў наезд на 35‑гадовага мужчыну, што рухаўся ў тым жа напрамку.
Ад атрыманых траўмаў пешаход загінуў на месцы здарэння.
Паводле звестак ДАІ, загінулы не меў святлоадбівальных элементаў на адзенні. Па факце аварыі праводзіцца праверка.