U Słonimie amapaŭcy vučyli miascovych siłavikoŭ razhaniać pratesty

U Słonimskim rajonie praviali taktyka-śpiecyjalnyja zaniatki pa pavyšeńni kvalifikacyi supracoŭnikaŭ milicyi. U treniroŭkach udzielničali supracoŭniki miascovaha RAUS, a ŭ jakaści instruktaraŭ im prysłali amapaŭcaŭ z Hrodna.

Kamandzir AMAP padpałkoŭnik milicyi Kirył Hančaroŭ zajaviŭ, što hałoŭnaja meta zaniatkaŭ — «pravierka hatoŭnaści asabovaha składu i adpracoŭka sumiesnych dziejańniaŭ u vypadku ŭźniknieńnia, łakalizacyi i spynieńnia masavych biesparadkaŭ».

Asablivuju ŭvahu nadali manieŭranaści taktyčnych hrup u srodkach indyvidualnaj abarony. Pad kiraŭnictvam instruktaraŭ słonimskija milicyjaniery adpracoŭvali vykarystańnie śpiecyjalnych srodkaŭ, u tym liku bronieščytoŭ.

Padčas vučeńniaŭ byli zmadelavanyja scenaryi razhortvańnia bajavych paradkaŭ dla ačapleńnia terytoryi, strymlivańnia i raźjadnańnia ŭmoŭnaj hrupy pratestoŭcaŭ.

Kamientary da artykuła