U Stolinskim rajonie sutyknulisia dźvie dziaŭčynki na matacykłach
U vioscy Azdamičy Stolinskaha rajona adbyłosia DTZ z udziełam dźviuch niepaŭnaletnich matacyklistak, paviedamlaje UUS Bresckaha abłvykankama.
Fota: UUS Bresckaha abłvykankama
5 lipienia 15‑hadovaja dziaŭčynka, jakaja nie mieła paśviedčańnia kiroŭcy, jechała na matacykle «Minsk-D4» pa vulicy 9 Maja ŭ Azdamičach. Razam ź joj znachodziłasia 13‑hadovaja pasažyrka. U niejki momant jana sutyknułasia z matacykłam «Minsk», jakim kiravała 14‑hadovaja dziaŭčyna, taksama biez prava kiravańnia.
Paśla sutyknieńnia starejšaja matacyklistka źjechała ŭ kiuviet i reznułasia ŭ płot.
15‑hadovuju kiroŭcu i jaje 13‑hadovuju pasažyrku špitalizavali. Ustanoŭlena, što abiedźvie jechali ŭ motašlemach, ale jany nie byli zašpilenyja.
Pa fakcie zdareńnia pravodzicca pravierka.