«Kamunizm — heta sistema-niaŭdačnica, i tak budzie zaŭsiody». Tramp vystupiŭ z pramovaj na śviatkavańni 250‑hodździa niezaležnaści ZŠA
Jubilej ZŠA ŭ Vašynhtonie adznačyli rekordnym fiejervierkam.
Donald Tramp na śviatkavańni 250‑hodździa abviaščeńnia niezaležnaści ZŠA, 4 lipienia 2026. AP Photo Mark Schiefelbein
Pramova Trampa pačałasia paźniej z-za pahrozy navalnicy. Pierad tym stajała vielmi mocnaja śpioka, u vyniku čaho arhanizatary byli zmušanyja źmianić prahramu śviatkavańniaŭ.
«Kamunistyčnaja sistema — poŭnaja supraćlehłaść amierykanskaj, — skazaŭ Tramp. — Našy vajary zmahalisia z kamunizmam na palach bitvaŭ va ŭsim śviecie nie dla taho, kab hetaja pahroza znoŭ padniała svaju ahidnuju hałavu prosta tut, u Amierycy».
Heta było adrasavana jak Kitaju, tak i ŭnutranym praciŭnikam Trampa, siarod jakich levyja demakraty, jakija nazyvajuć siabie sacyjalistami.
«Naša amierykanskaje pryznačeńnie napisana Boham, — skazaŭ Tramp. — I najlepšaje jašče napieradzie».