U Drybinskim rajonie chłopčyk pajšoŭ łavić rybu i začapiŭ vudaj za pravady
Incydent adbyŭsia ŭ ahraharadku Karoŭčyna Drybinskaha rajona. 11‑hadovy chłopčyk išoŭ na rybałku z raskładzienaj vudaj i vypadkova dakranuŭsia joj da pravadoŭ ŁEP, paviedamlaje MNS.
Zdymak ilustracyjny
U vyniku dzicia ŭdaryła tokam. Chłopčyka špitalizavali z termičnymi apiokami.
Ratavalniki adznačajuć, što sučasnyja vudy z vuhlapłastyku mohuć pravodzić elektryčnaść, tamu navat zanadta vialikaje nabližeńnie da pravadoŭ (biez pramoha kantaktu) moža być niebiaśpiečnym. Asabliva ryzykoŭnaja situacyja ŭźnikaje kala vady i pry vysokaj vilhotnaści.
U MNS nahadvajuć, što łavić rybu pablizu linij elektrapieradač zabaroniena, a pieranosić snaści pad pravadami treba tolki ŭ składzienym vyhladzie abo paralelna ziamli.