Adpraŭleny ŭ adstaŭku načalnik Nacyjanalnaha centralnaha biuro Interpała ŭ Biełarusi
Zamiest Dźmitryja Miadźviedzieva kiravać ustanovaj budzie jaho były namieśnik Alaksiej Vieršal.
Dźmitryj Miadźviedzieŭ. Skrynšot: «Biełaruś 1»
Načalnikam Nacyjanalnaha centralnaha biuro Interpała ŭ Biełarusi pryznačany padpałkoŭnik Alaksiej Vieršal. Jamu 46 hadoŭ. Vieršal da apošniaha času byŭ namieśnikam načalnika ŭ hetaj ustanovie.
Alaksiej Vieršal. Skrynšot: STB
Na pasadzie jon źmianiŭ pałkoŭnika Dźmitryja Miadźviedzieva. Toj kiravaŭ Nacyjanalnym centralnym biuro na praciahu apošnich hadoŭ, ale heta było małaplonnaje supracoŭnictva — Interpał faktyčna nie ŭzajemadziejničaje ź Biełaruśsiu i ihnaruje zapyty.
«Abjaŭleńnie ŭ mižnarodny vyšuk faktyčna błakujecca Interpałam. Kampietentnyja orhany zachodnich dziaržaŭ taksama časta pa nadumanych padstavach admaŭlajuć u vydačy biełaruskich złačyncaŭ, u tym liku tych, chto ździejśniŭ narkazłačynstvy, ciažkija złačynstvy suprać čałavieka i majomaści. Viedaju, što i rasijskija kalehi sutykajucca z palityčna matyvavanymi admovami ŭ vydačy złačyncaŭ», — narakaŭ u 2024‑m Andrej Švied, na toj momant hienieralny prakuror Biełarusi.