Łukašenku sustrakali ŭ Indaniezii z arkiestram i harmatami. Ale jamu było nie da taho VIDEA
Indaniezijskaje telebačańnie pakazała, jak niaprosta palityku daŭsia prachod pa dyvanovaj darožcy.
Alaksandr Łukašenka vyciraje tvar, pakul idzie pa dyvanovaj darožcy z prezidentam Indaniezii Prabova Subijanta. Skrynšot videa tut i dalej: BeritaSatuChannel / YouTube
Alaksandr Łukašenka byŭ ź vizitam u Indaniezii 1‑2 lipienia. U Džakarcie, u miascovym Pałacy niezaležnaści, jaho ŭračysta sustrakali — z arkiestram, rotaj hanarovaj varty, dziećmi sa ściažkami i załpami z salutnych harmataŭ.
Ale Łukašenku prachod pa dyvanovaj darožcy daŭsia niaprosta. Jon išoŭ kulhajučy, pieryjadyčna vyciraŭ u +30 pot z tvaru i papraŭlaŭ kaścium, jaki, vidać, prylipaŭ da cieła. Prezident Indaniezii Prabova Subijanta pobač ź im išoŭ u soniečnych akularach.
Pakul hučaŭ himn, było bačna, jak Łukašenka ciažka dychaje paśla padjomu pa prystupkach.
Kali Łukašenka tolki padjechaŭ da pałaca, razam ź im z mašyny vyjšaŭ Kola i staŭ na prachodzie da pałaca, kantralujučy situacyju niby achoŭnik.
Kola źleva kala biełaj kałony
U toj čas jak prezident Indaniezii paciskaŭ ruki biełaruskim čynoŭnikam i Dźmitryju Łukašenku, Kola znachodziŭsia za ich śpinami.