Pasažyraŭ aŭtobusa, atakavanaha ŭ Branskaj vobłaści, viarnuli nazad u Biełaruś
Rasijskija ŭłady vykłali svaju viersiju ataki na aŭtobus ź Biełarusi pad Branskam. Pieršy aficyjny kamientaryj u telehram-kanale apublikavaŭ časovy vykanaŭca abaviazkaŭ hubiernatara Branskaj vobłaści Jahor Kavalčuk.
Aŭtobus, na jakim biełarusaŭ z paciarpiełaha aŭtobusa viazuć na radzimu. Skrynšot ź videa
Pavodle słoŭ Jahora Kavalčuka, biełaruski aŭtobus nibyta padvierhsia atacy bieśpiłotnika samalotnaha typu. Nadzvyčajnaje zdareńnie adbyłosia ŭ pahranpunkcie «Čyrvony kamień» u Złynkaŭskim rajonie Branščyny.
Askołačnyja ranieńni atrymali dva kiroŭcy aŭtobusa. Na miesca nieadkładna prybyła miedycynskaja bryhada, była akazana nieabchodnaja dapamoha, — prakamientavaŭ v.a. kiraŭnika vobłaści.
Kavalčuk raskazaŭ, što paśla hetaj ataki z pasažyrami ŭ punkcie časovaha raźmiaščeńnia pracavali psichołahi. Ich zabiaśpiečyli haračym charčavańniem.
Kali prybyŭ aŭtobus z Homiela, hramadzianie Biełarusi byli pieraviezienyja ŭ Homielskuju vobłaść. Šaściora hramadzian Rasii zastalisia na Branščynie i zaraz znachodziacca ŭ punkcie časovaha raźmiaščeńnia, dzie dla ich stvoranyja ŭsie nieabchodnyja ŭmovy.
Čytajcie taksama:
Stała viadoma, čyj aŭtobus paciarpieŭ ad drona ŭ Branskaj vobłaści
Dron prylacieŭ u pasažyrski aŭtobus na miažy Rasii i Biełarusi