Vynieśli prysud kiroŭcu Lexus, jaki hod tamu pierabłytaŭ piedali ŭ Maładziečnie
9 žniŭnia minułaha hoda ŭ Maładziečnie adbyłosia trahičnaje DTZ, u vyniku jakoha zahinuła 31‑hadovaja žančyna. Ciapier stała viadoma, jak pakarali vinavataha ŭ hetym kiroŭcu aŭtamabila Lexus.
Skrynšot ź videa
Pavodle materyjałaŭ spravy, kiroŭca zajazdžaŭ na parkoŭku kala kramy, ale nie harantavaŭ biaśpieku piešachodaŭ i dapuściŭ pamyłki pry kiravańni aŭtamabilem — praściej kažučy, prosta pierabłytaŭ piedali. U vyniku mašyna rezka nabrała chutkaść, vyjechała na tratuar, źbiła žančynu, paśla čaho ŭrezałasia ŭ budynak kramy.
Ad atrymanych traŭmaŭ paciarpiełaja zahinuła na miescy.
Padčas sudovaha razhladu abvinavačany poŭnaściu pryznaŭ svaju vinu.
Sud pryznaŭ jaho vinavatym u parušeńni Pravił darožnaha ruchu, jakoje pa nieaściarožnaści pryviało da śmierci čałavieka, i pryznačyŭ jamu pakarańnie ŭ vyhladzie troch hadoŭ pazbaŭleńnia voli z adbyvańniem u papraŭčaj kałonii-pasialeńni.
Čytajcie taksama:
Pjany mužčyna paprasiŭ padletka sieści za rul. Vynik — zahinuŭ pasažyr
U Čačersku žančyna atrymała traŭmy ŭ DTZ pa vinie muža. Ź jaho spahnali hrošy za jaje lačeńnie
U Niaśvižy chłopiec prataraniŭ kamienny płot: ad mašyny i aharodžy mała što zastałosia