U Lepielskim rajonie archieołahi znajšli burštynavyja padvieski i kamiennyja bułavy
Staradaŭnija burštynavyja padvieski i kamiennyja bułavy znajšli archieołahi ŭ Lepielskim rajonie, paviedamili ŭ Instytucie historyi NAN.
Ekśpiedycyja Instytuta historyi Nacyjanalnaj akademii navuk Biełarusi sumiesna sa školnym archieałahičnym i krajaznaŭčym letnim łahieram Słabadskoj siaredniaj škoły imia Pšonki daśleduje pomnik niealitu — bronzavaha vieku Biarešča 1 (uročyšča Dubaviec, archieałahičny mikrarehijon Biarešča) u Lepielskim rajonie Viciebskaj vobłaści.
Znajšli značnuju kolkaść frahmientaŭ kieramičnaha posudu, kramianiovych i kaścianych artefaktaŭ, a taksama asteałahičnuju kalekcyju. Siarod unikalnych znachodak — burštynavyja padvieski, dźvie kamiennyja bułavy (cełaja masiŭnaja avalnaja i pałova kruhłaj).
Pavodle danych navukoŭcaŭ, bolšaść znojdzienych materyjałaŭ adnosicca da ŭśviackaj archieałahičnaj kultury.
Čytajcie taksama:
U Homieli majstar-ramieśnik stvaryŭ padviesku-abiareh z vyjavaj homielskaha cmoka
Mahiloŭskija studenty zrabili adkryćcio, raźbirajučy daŭniuju archieałahičnuju kalekcyju