Na darozie z Hazy ŭ Ašmiany junak na Audi ŭ łob urezaŭsia ŭ Chevrolet. 15‑hadovaja dziaŭčyna i 17‑hadovy chłopiec zahinuli
28 červienia kala 15:30 na aŭtadarozie R-52 «Haza — Astraviec — Ašmiany» kala vioski Dziahienieva Astravieckaha rajona adbyłasia ciažkaja avaryja.
20‑hadovy kiroŭca Audi, pa papiaredniaj infarmacyi, vyjechaŭ na pałasu sustrečnaha ruchu i sutyknuŭsia łob u łob z Chevrolet.
U vyniku DTZ zahinuli dvoje pasažyraŭ Audi — 15‑hadovaja dziaŭčyna i 17‑hadovy chłopiec. Jašče piać čałaviek z abodvuch aŭtamabilaŭ z traŭmami roznaj stupieni ciažkaści byli špitalizavanyja.
Na miescy pracujuć supracoŭniki DAI i śledča-apieratyŭnaja hrupa. Pačata vyśviatleńnie ŭsich abstavin avaryi.
Na miesca vyjechaŭ načalnik DAI MUS Viktar Rotčankaŭ.