Zbornaja Ispanii ŭstanaviła novy suśvietny rekord pa praciahłaści biasprojhryšnaj sieryi
Zbornaja Ispanii ź likam 1:0 abyhrała Uruhvaj u hrupavym turniry čempijanatu śvietu i padoŭžyła biasprojhryšnuju sieryju ŭ aficyjnych matčach da 34 hulniaŭ.
Forvard madrydskaha «Atletyka» Aleks Baena salutuje trybunam paśla zabitaha hoła Uruhvaju, fota Natasha Pisarenko / AP
Heta novy suśvietny rekord. Papiaredni naležaŭ Brazilii, jakaja z 1993 pa 1998 hod nie prajhravała ŭ 33 aficyjnych matčach zapar.
Ispancy nie viedajuć parazaŭ z 28 sakavika 2023 hoda — tady jany sastupili Šatłandyi (0:2) u kvalifikacyi da Jeŭra-2024. Z taho času — 27 pieramoh i 7 ničyich.
Za hety čas kamanda vyjhrała Jeŭra-2024 i ciapier upeŭniena ruchajecca pa sietcy čempijanatu śvietu. U 1/16 finału ispancy 2 lipienia zhulajuć z kamandaj, što finišuje druhoj, u hrupie J, dzie hulajuć Arhiencina, Aŭstryja, Ałžyr i Iardanija.
Stanovišča pierad apošnim turam tut takoje:
Arhiencina — 6, Aŭstryja — 3 (roźnica miačoŭ — 0), Ałžyr — 3 (roźnica miačoŭ — minus dva), Iardanija — 0.
Zaŭtra ranicaj Aŭstryja i Ałžyr zhulajuć pamiž saboj i razyhrajuć druhoje miesca.