Nasta Kudasava. Znoŭku leta zapalvaje śviečki
Paetka Nasta Kudasava źmiaściła ŭ svaim fejsbuku novy vierš.
Nasta Kudasava padčas prezientacyi svajoj knihi «Liryka» ŭ Vilni, fota Radyjo Svaboda
Znoŭku leta zapalvaje śviečki
ŭ kaściołach kaštanaŭ,
dzie ŭ sutanach kryłatych chruščy
adpraŭlajuć imšu.
I huduć u pavietry asany asy…
I kachany
kožny ŭdych tvoj
i vydych tvoj,
dziela jakich ja pišu.
U halinčynych palcach
zialony trymcić malitoŭnik,
cicha spoviedź u dziubach niasuć prylatanie-špaki…
Ty haračym niaznanym śviatłom
maju ciemru napoŭniŭ,
i — kali štości možna prasić —
ja prašu, nie pakiń!
Nie addaj mianie złoj adzinocie i źjedlivaj skrusie…
Ja špačychaj niaŭzročnaj
prysiadu la voknaŭ tvaich,
niezaŭvažnym kryłom achinu,
apiaju,
pamalusia
pierad kožnym kaštanam
za kožny tvoj vydych
i ŭdych.