U Hałyhinych naradziŭsia treci syn. Nazvali jaho Łuka
Letaś biełaruski šoŭmen Vadzim Hałyhin staŭ dziedam, a sioleta znoŭ tatam. Fotazdymkami ŭ instahramie padzialiłasia jaho žonka Volha Hałyhina.
Vadzim Hałyhin z žonkaj Volhaj i synam Łukoj. Fota ź instahrama Volhi Hałyhinaj
Byłaja biełaruskaja śpiavačka i madel apublikavała fotazdymki z radzilni i napisała: «U nas źjaviŭsia jašče adzin lubimy dzień u hodzie. Siońnia naradziŭsia naš treci synočak. My ciabie zahadali i vielmi čakali. Dziakuj, što abraŭ nas».
Novanarodžanamu dali imia Łuka.
Vadzim Hałyhin z žonkaj Volhaj i synam Łukoj. Fota ź instahrama Volhi Hałyhinaj
U siamji ŭžo było dva syny — Vadzim i Ivan. Taksama ŭ 50‑hadovaha Vadzima jość užo darosłaja dačka Taisija ad pieršaha šlubu. Letaś jana naradziła Hałyhinu ŭnuka.
«Samaje prykolnaje — heta kali ty biareš na ruki niemaŭla, i heta nibyta tvajo, ale nie tvajo. Takaja adkaznaść, hipieradkaznaść», — raskazaŭ Hałyhin na šou Paŭła Voli.
Čytajcie taksama: Hałyhina prymusili apraŭdvacca za zvarot da siłavikoŭ u 2020-m
Ciapier u kamientarach da dopisu Volhi Hałyhinaj pierapis biełaruskich i rasijskich zorak — usie (ad Łarysy Hrybalovaj da Michaiła Hałuściana) vinšujuć siamju z naradžeńniem syna.