Pryvatnuju mastackuju kalekcyju pradali na aŭkcyjonie za amal 400 miljonaŭ dalaraŭ. Byli i tvory našych ziemlakoŭ
Aŭkcyjonny dom Sotheby’s pravioŭ u Łondanie tarhi kalekcyjaj brytanskaha biznesmiena i ŭładalnika futbolnaha kłuba «Totenchem Chotspur» Džo Ljuisa. Za dva dni prodažaŭ tvory mastactva byli realizavanyja za 392,6 miljona dalaraŭ, što značna pieravysiła papiaredniuju acenku kalekcyi ŭ bolš čym 268 miljonaŭ dalaraŭ, piša Office Life.
«Aholenaja natura» Amiedea Madyljani. Fota: Getty Images
U kalekcyju ŭvachodzili znakavyja raboty jeŭrapiejskaha fihuratyŭnaha mastactva kanca XIX — XX stahodździa, u tym liku tvory Hustava Klimta, Amiedea Madyljani, Pabła Pikasa, Rene Mahryta, Marka Šahała, Chaima Sucina i Kazimira Maleviča.
Samym darahim łotam stała karcina Amiedea Madyljani «Aholenaja natura», jakaja była pradadziena za 60,6 miljona dalaraŭ. Heta rekordnaja suma dla rabot mastaka na aŭkcyjonach u Jeŭropie.
«Zakachanyja ŭ Vansie» Marka Šahała. Fota: Sotheby's
Karcina Marka Šahała «Zakachanyja ŭ Vansie» 1957 hoda była pradadziena za 4,3 miljona dalaraŭ, što krychu pieravysiła jaje acenačny košt.
«Partret chłopčyka ŭ sinim» Chaima Sucina. Fota: Sotheby's
«Partret chłopčyka ŭ sinim» Chaima Sucina znajšoŭ novaha ŭładalnika za 3,1 miljona dalaraŭ, a huaš Kazimira Maleviča «Hałava sielanina» była pradadziena za 3,9 miljona dalaraŭ — amal udvaja daražej za vierchniuju miažu papiaredniaj acenki.
«Hałava sielanina» Kazimira Maleviča. Fota: Sotheby's
Čytajcie taksama:
U Minsku z nastupnaha tydnia buduć ekspanavać znakamituju «Prahułku» Šahała
Na tarhi vystavili niekalki karcin Šahała. Adnu ź ich užo pradali za $3,6 miljona
U Viciebsku zdajecca ŭ arendu budynak, u jakim vučyŭsia Mark Šahał