U Žyrovičach padletki pazabaŭlalisia, razhramiŭšy słužbovaje pamiaškańnie

U ahraharadku Žyrovičy Słonimskaha rajona čaćviora padletkaŭ va ŭzroście ad 14 da 16 hadoŭ stali fihurantami kryminalnaj spravy paśla taho, jak razhramili słužbovaje pamiaškańnie ŭ pustym internacie, paviedamlaje UUS Hrodzienskaha abłvykankama.

Pavodle infarmacyi siłavikoŭ, budynak internata na vulicy Maładziožnaj užo vyzvaleny ad žycharoŭ i rychtujecca da kapitalnaha ramontu. Viedajučy, što ŭ im nichto nie žyvie, padletki praleźli ŭsiaredzinu, adčyniŭšy nienadziejny zamok.

Spačatku jany ahledzieli pustyja pakoi, a zatym zajšli ŭ słužbovaje pamiaškańnie žyllova-kamunalnaj haspadarki, dzie pačali ŭsio rujnavać. U vyniku byli paškodžanyja dva stały, televizar, a taksama raskidanyja dakumienty. Ahulnaja suma škody pieravysiła 500 rubloŭ.

Pahrom vyjaviŭ supracoŭnik ŽKH, jaki źviarnuŭsia ŭ milicyju. U chodzie apieratyŭna-vyšukovych mierapryjemstvaŭ asoby padazravanych byli ŭstanoŭlenyja.

U dačynieńni da niepaŭnaletnich zaviali kryminalnuju spravu za chulihanstva, ździejśnienaje hrupaj asob. Pavodle słoŭ padletkaŭ, usio adbyłosia «dziela zabavy». Raniej prablem z zakonam jany nie mieli.

Kamientary da artykuła