Tramp žorstka raskrytykavaŭ Hiermaniju za admovu padtrymać ZŠA ŭ vajnie ź Iranam
Prezident ZŠA zajaviŭ, što rasčaravany pazicyjaj Bierlina adnosna vajny suprać Irana. Na sustrečy z hienieralnym sakratarom NATA Markam Rute jon skazaŭ, što prasiŭ niamiecki ŭrad ab padtrymcy, piša Bild.
Fota: Jacquelyn Martin / AP
«Dajcie nam nievialiki šturšok, dajcie nam maleńki pacałunak. My nie chočam šmat. Ale jany skazali: «Nie, my nie možam hetaha zrabić»», — adznačyŭ Tramp.
Pry hetym jon nahadaŭ, što ZŠA traciać «sotni miljonaŭ dalaraŭ» na raźmiaščeńnie vojskaŭ u Hiermanii i Jeŭropie.
Na toj ža sustrečy Tramp niečakana pachvaliŭ prezidenta Ukrainy Uładzimir Zialenski. Adkazvajučy na pytańnie, ci vyjhraje Ukraina vajnu suprać Rasii, jon skazaŭ: «Jon trymajecca davoli dobra. Treba skazać, jon mužny. U jaho vydatnaje abstalavańnie. U jaho vydatnyja ludzi, bajcy».
Rute pasprabavaŭ abaranić Hiermaniju i zajaviŭ, što Bierlin vykanaŭ svaje dvuchbakovyja abaviazacielstvy pierad ZŠA, a taksama pavialičyŭ vydatki na abaronu.
Ale Tramp praciahnuŭ krytykavać sajuźnikaŭ i zajaviŭ, što Francyja, Italija i Vialikabrytanija taksama «pakinuli ZŠA ŭ biadzie».