U Hiermanii dazvolili biaspłatna zdavać kvitki z-za ekstremalnaj śpioki
Kampanija Deutsche Bahn uviała śpiecyjalnaje praviła z-za nadzvyčaj vysokich tempieratur u Hiermanii: pasažyry mohuć biaspłatna admianić pajezdki dalokaha śledavańnia, kali nie chočuć jechać u takuju śpioku, piša Bild.
Fota: Michael Probst / AP
Mieteasłužba FRH papiaredžvaje pra tempieratury vyšej za 40 hradusaŭ, a čyhunka aścierahajecca zbojaŭ z-za pierahrevu infrastruktury, navalnic, mocnych daždžoŭ, škvalistaha vietru i pažaraŭ uzdoŭž šlachoŭ.
«Usim, chto ŭ hetaj ekstremalnaj pahodnaj situacyi moža admovicca ad pajezdki, my raim skarystacca śpiecyjalnym praviłam admieny», — havorycca ŭ paviedamleńni Deutsche Bahn.
Biaspłatna zdać možna bilety dalokaha śledavańnia, nabytyja da 23 červienia ŭklučna, kali pajezdka była zapłanavana da 30 červienia.
Dla tych, chto ŭsio ž taki pajedzie, Deutsche Bahn abiacaje padrychtavać na bujnych vakzałach niekalki dziasiatkaŭ tysiač litraŭ vady i nakiravać bolš supracoŭnikaŭ servisu.