Minčanka źbirała ŭnuku na viasielle, a addała machlaram
73‑hadovuju žančynu padmanuli pa schiemie «Vodakanała».
Pad vyhladam nieabchodnaści zamieny ličylnikaŭ žančynie dasłali niekalki SMS-paviedamleńniaŭ, ź jakich jana pradyktavała kody. Paśla hetaha łžesupracoŭnik finansavaj milicyi abvinavaciŭ piensijanierku ŭ finansavańni terarystyčnaj arhanizacyi i zapałochaŭ kryminalnaj spravaj, paviedamlaje «Milicyja Minska».
Minčanka pavieryła i pahadziłasia pradastavić «dekłaracyju ab dachodach», kab apraŭdać siabie. Dla hetaha jana padčas videasuviazi pakazała ašukancam usie svaje źbieražeńni, jakija zachoŭvalisia doma, na ahulnuju sumu bolš za 11 tysiač rubloŭ u roznych valutach.
Žančyna skłała hrošy ŭ kanviert i pad kantrolem afierystaŭ schavała jaho ŭ travie ŭ zahadzia ŭzhodnienym miescy.
Adnak piensijanierka admoviłasia sychodzić dadomu i pakidać hrošy biez nahladu. Jana chacieła dačakacca kurjera Nacyjanalnaha banka, ale ašukancy zabaranili joj heta rabić.
Na nastupny dzień afierysty znoŭ patelefanavali žančynie i zapatrabavali dadatkova zadekłaravać hrošy, jakija zachoŭvalisia na bankaŭskich kartkach. Tady jana zrazumieła, što stała achviaraj padmanu, i źviarnułasia ŭ milicyju.