Nie buduć źbirać myty ź niekatorych vidaŭ aharodniny
Urad Biełarusi pryniaŭ pastanovu ab časovym vyzvaleńni ad uvoznych mytaŭ asobnych vidaŭ aharodniny z trecich krain.
Zdymak ilustracyjny. Fota: magnific.com
Ilhota budzie dziejničać dla:
- 600 ton kvietkavaj kapusty i brokali;
- 200 ton bakłažanaŭ;
- 5,2 tysiačy ton sałodkaha stručkovaha piercu.
Pradukcyja pavinna ŭvozicca dla realizacyi ŭ roźničnym handli. Kab skarystacca lhotaj, nieabchodna atrymać paćviardžeńnie metavaha pryznačeńnia tavaru.
Vydavać takija paćviardžeńni i vyznačać paradak prymianieńnia lhoty budzie Ministerstva antymanapolnaha rehulavańnia i handlu.
Rašeńnie pryniata ŭ ramkach vykanańnia pastanovy Rady Jeŭrazijskaj ekanamičnaj kamisii ab źmianieńni mytnych taryfaŭ na asobnyja vidy aharodninnaj pradukcyi.
Raniej u JEAES užo byli abnulenyja myty na ŭvoz jałavičyny, kakavavaha masła, abrykosaŭ, čarešniaŭ i niekatorych vidaŭ tkanin.
Čytajcie taksama:
Na Kamaroŭcy źjavilisia parečki, a čarešni narešcie zraŭnialisia ŭ canie z kłubnicami
Dyjeta na kvašanaj kapuście: novy trend u administracyi Trampa
U minskaj kramie vystavili na prodaž cełuju skrynku hniłoj bulby
U Biełarusi za 5 hadoŭ chočuć pazbycca ryby, sadaviny i harodniny z «niedružalubnych» krain