Biełarusbank uvodzić płatu za pryjom najaŭnych rasijskich rubloŭ
Najbujniejšy bank Biełarusi paviedamiŭ, što z 24 červienia ŭvodzić kamisiju za pryjom najaŭnych rasijskich rubloŭ dla ich zaličeńnia na biahučyja (raźlikovyja) rachunki.
Zdymak ilustracyjny. Fota: magnific.com
Novaŭviadzieńnie zakranie fizičnych asob-nierezidentaŭ, jakija majuć rachunki ŭ rasijskich rublach, u tym liku adkrytyja ŭ inšych bankach. Havorka idzie jak pra zvyčajnyja biahučyja rachunki, tak i pra rachunki, dostup da jakich robicca praz bankaŭskija kartki.
Pamier kamisii składzie 5% ad sumy najaŭnych rasijskich rubloŭ, uniesienych dla zaličeńnia na rachunak.
Dla rachunkaŭ, adkrytych z 24 červienia, kamisija budzie prymianiacca z dnia adkryćcia. Dla rachunkaŭ, adkrytych raniej, jana pačnie dziejničać z 1 žniŭnia.
Raniej pra ŭviadzieńnie padobnaj płaty ŭžo paviedamili Alfa Bank, MTBank, BNB-Bank, Śbier Bank, Technabank i Cepter Bank.
Čytajcie taksama:
Užo treci bank uvodzić płatu za pryjom rasijskich rubloŭ ad zamiežnikaŭ