Pjany mužčyna paprasiŭ padletka sieści za rul. Vynik — zahinuŭ pasažyr
Padrabiaznaści zdareńnie ŭ Kličaŭskim rajonie, dzie ŭ niadzielu zahinuŭ 16‑hadovy padletak.
36‑hadovy mužčyna, znachodziačysia ŭ stanie ałkaholnaha apjanieńnia, paprasiŭ 16‑hadovaha školnika, jaki nie mieŭ pravoŭ, sieści za rul jaho aŭtamabila.
U mašynie taksama byli 16‑hadovy navučeniec kaledža i dźvie 15‑hadovyja adnakłaśnicy biaspraŭnika.
Na darozie Kličaŭ — Smalarnia — Budnieva padletak nie spraviŭsia z kiravańniem. Mašyna vyjechała ŭ levy kiuviet i niekalki razoŭ pierakuliłasia.
U vyniku avaryi 16‑hadovy pasažyr zahinuŭ, adna dziaŭčyna była špitalizavana.
Adrazu paśla DTZ 36‑hadovy mužčyna ŭciok ź miesca zdareńnia, adnak nieŭzabavie jon byŭ zatrymany supracoŭnikami milicyi, paviedamlaje SK.