U Biełarusi spyniać viaščańnie kanały Discovery i Eurosport
Z 1 lipienia ź sietki viaščańnia Zala IPTV źniknie tematyčny pakiet Discovery razam ź jaho hałoŭnym kanałam Discovery Channel. Akramia taho, hledačy zastanucca biez spartyŭnych kanałaŭ Eurosport 1 i Eurosport 2.
U Biełtelekamie patłumačyli pryčynu: termin dziejańnia damovy z pravaŭładalnikam padychodzić da zaviaršeńnia.
Na zamienu kanałam, jakija sychodziać, Biełtelekam prapanuje novy tematyčny pakiet VIP HD. U jaho ŭvachodziać:
- Telekanał Viasat Nature/History HD z prahramami pra pryrodu, padarožžy, historyju i niezvyčajnyja pryhody.
- «Spartyŭny telekanał Vijasat HD» z tranślacyjami spabornictvaŭ.
- Telekanały TV1000 Premium, TV1000 Megahit, TV1000 Comedy i ViP Serial ź filmami i sieryjałami.
Kanały Discovery i Eurosport spyniajuć viaščańnie paśla šmathadovaj prysutnaści na biełaruskim rynku. Upieršyniu biełaruskamu hledaču hetyja kanały stali dastupnymi naprykancy 90‑ch hadoŭ, z zapuskam ich viaščańnia na postsavieckaj prastory, nahadvaje BAŽ.