60‑hadovuju sudździu z Oršy, datyčnuju da palityčnych represij, vyhnali za surjozny zalot
Ina Kochava zvolnienaja za «pravinu, niesumiaščalnuju sa znachodžańniem na dziaržaŭnaj słužbie».
Ina Kochava. Staroje pašpartnaje fota
Adpraŭlenaja ŭ adstaŭku sudździa Aršanskaha rajona i Oršy Ina Kochava. Adpaviedny ŭkaz padpisaŭ Alaksandr Łukašenka. Pryčynaj nazyvajecca ŭčynieńnie praviny, niesumiaščalnaj sa znachodžańniem na dziaržaŭnaj hramadzianskaj słužbie.
Kochava ŭdzielničała ŭ represijach minimum z 2011 hoda. U bazie pravaabaroncaŭ bolš za 10 vyniesienych joj rašeńniaŭ pa palityčnych administratyŭnych pratakołach i 5 prysudaŭ pa palityčnych kryminalnych spravach. Adnak śpis daloka nie poŭny: Kochava adkazvała i za dadatkovaje pakarańnie palitviaźniaŭ, jakich utrymlivali ŭ kałonii strohaha režymu ŭ Oršy, jana pieravodziła ich na turemnyja ŭmovy. U pryvatnaści, u lutym 2025 hoda Kochava sudziła anarchista Alaksandra Franckieviča.
Maksimalny dazvoleny ŭzrost dla sudździ sudoŭ ahulnaj jurysdykcyi — 65 hadoŭ. Kochavu vystavili ŭ 60 hadoŭ.