Syn byłoha ministra kultury staŭ kantraktnikam
«Padpisaŭ kantrakt i słužyć u asobych padraździaleńniach. Vajskoviec, pa linii MUS», — raskazaŭ Anatol Markievič pra adnaho z synoŭ.
Anatol Markievič u śvitšocie z cytataj Łukašenki «Budiet očień intieriesno» i jaho syn Jaŭhien (krajni źleva) na ekskursii ŭ muziei ŭ Chatyni. 2023 hod. Fota: «Minskaja praŭda»
Anatol Markievič byŭ ministram kultury ź listapada 2020 hoda da śniežnia 2024-ha. Ciapier jon kiraŭnik pradstaŭnictva pastajannaha kamiteta Sajuznaj dziaržavy ŭ Minsku (pracuje tam prynamsi z krasavika 2025 hoda).
U kulinarnaj pieradačy na STB Markievič raskazaŭ, čym zajmajucca jaho syny (ich u čynoŭnika troje).
Starejšy syn, 28‑hadovy Illa, skončyŭ BNTU, fakultet infarmacyjnych technałohij, i pracuje pa śpiecyjalnaści.
Illa Markievič. Fota: premierliga.pro
Małodšamu 15, jon jašče školnik.
A siaredni, 23‑hadovy Jaŭhien, advučyŭsia ŭ BDPU imia Maksima Tanka na nastaŭnika fizkultury i pajšoŭ u vajskoŭcy.
Jaŭhien Markievič. Fota: premierliga.pro
«Padpisaŭ kantrakt i słužyć u asobych padraździaleńniach. Vajskoviec, pa linii MUS», — raskazaŭ Markievič-starejšy.
Prafiesii jaho syny vybirali sami, dadaŭ jon.
Jaŭhien i Illa Markievičy hulajuć taksama ŭ mini-futboł, rehularna vystupajuć na spabornictvach.