42‑hadovaha minčuka buduć sudzić za kamientary, jakija jon pakidaŭ u 2021 hodzie
Jaho źbirajucca pakarać za «abrazu» Łukašenki.
42‑hadovy žychar stalicy nie mieŭ sudzimaściaŭ. Ciapier ža mužčynu vinavaciać u publičnaj abrazie Łukašenki i deputataŭ.
Pavodle materyjałaŭ śledstva, sa žniŭnia pa śniežań 2021 hoda minčuk pakidaŭ «abraźlivyja kamientary» ŭ roznych telehram-čatach. Vykazvańni tyčylisia Alaksandra Łukašenki, a taksama členaŭ Savieta Respubliki.
Svaje dziejańni mužčyna patłumačyŭ tym, što ŭ toj čas paddaŭsia niehatyŭnym emocyjam, jakija ŭźnikli ŭ jaho paśla čytańnia krytyčnych publikacyj u internecie.
Na minčuka zaviali kryminalnuju spravu.
U prakuratury paviedamili, što mužčyna całkam pryznaŭ svaju vinu i raskajaŭsia. Zaraz jon čakaje suda.